Aaj baarish ko
Kya hogaya hai?
Kuch hi pal ki
rimjhim rimjhim
Jaise jhoot-mooth
Ka rona.
Aaj baarish ko
Kya hua hai?
Varna der tak
Khaprailon se
Tapakti boondein
Mere badhaye hue
Hatheliyon ko
Halke se gudgudati
Zameen par girte hi
Kahin ko daud jaati.
Aaj baarish ko
Kya ho gaya?
Varna mere geele
Gaalon par
Aansoo
nazar nahi aate
aur jee bhar ke
ro leta thha.
Ab tum kisi ko
Mat batana
Ki aaj baarish
Nahi hui
Toh meri hi
Aankhon se
Rimjhim rimjhim
Hone lagi.
Aaj bearish ko
Kya ho gaya?
Venkatesh Kumar © 2012
11.04.2012; 2.30 p.m.
No comments:
Post a Comment